Analisti Albert Musliu, thot\u00eb se as VMRO-DPMNE-ja e Hristijan Mickoskit dhe asnj\u00eb parti tjet\u00ebr maqedonase nuk mund ta anashkaloj\u00eb vullnetin politik\u00eb t\u00eb shqiptar\u00ebve p\u00ebr ta l\u00ebn\u00eb jasht\u00eb Qeveris\u00eb partin\u00eb m\u00eb t\u00eb madhe shqiptare. N\u00eb nj\u00eb intervist\u00eb p\u00ebr gazet\u00ebn LAJM, njoh\u00ebsi i mir\u00eb i rrethanave politike, Albert Musliu, tha se BDI-ja mund t\u00eb del nga Qeveria p\u00ebr hir\u00eb t\u00eb zhbllokimit t\u00eb procesit integrues, n\u00ebse VMRO-ja pranon t\u00eb votoj\u00eb p\u00ebr ndryshimet kushtetuese, p\u00ebr \u00e7ka shprehet optimist. N\u00eb intervist\u00ebn e tij p\u00ebr gazet\u00ebn LAJM, Musli flet edhe p\u00ebr kryeministrin shqiptar, zgjedhjet e parakohshme, si dhe p\u00ebr\u00e7arjet n\u00eb BDI.<\/p>\n
\u201c\u00cbsht\u00eb naive si k\u00ebrkes\u00eb ajo q\u00eb e b\u00ebri z.Mickoski sepse ne e shohim q\u00eb ka nj\u00eb tendenc\u00eb n\u00eb 5-6 muajt e fundit edhe kur i drejtohen qeveris\u00eb me nj\u00eb ton sarkastik, Qeveri e BDI-s\u00eb\u2026pra nuk vet\u00ebdij\u00ebsohen assesi. Shqiptar\u00ebt kan\u00eb histori politike pak m\u00eb t\u00eb gjat\u00eb. P.sh. maqedonasit nuk e dijn\u00eb kush \u00ebsht\u00eb Sinan Hasani, maqedonasit nuk e dijm\u00eb temin \u201cshqiptar i ndersh\u00ebm\u201d. Ne kemi jetuar dhe jemi rritur me ato histori, me ato narrative dhe shqiptar\u00ebt jan\u00eb t\u00eb vet\u00ebdijsh\u00ebm se t\u00eb p\u00ebrzgjedhurit e shqiptar\u00ebve do t\u2019i vendosit vet\u00eb dhe jo VMRO-ja. Mendoj q\u00eb \u00ebsht\u00eb nj\u00eb gaf\u00eb t\u00eb cil\u00ebn nuk jan\u00eb duke e p\u00ebrmir\u00ebsuar. K\u00ebrkesa p\u00ebr qeveri t\u00eb zgj\u00ebruar pa BDI-n\u00eb nuk \u00ebsht\u00eb e vetmja, asaj i paraprinte nj\u00eb narrative q\u00eb ishte pezhorativ, jo vet\u00ebm p\u00ebr BDI-n\u00eb por pezhorativ ndaj oponentin politik duke mos e marr\u00eb p\u00ebr baz\u00eb se \u00e7far\u00eb refleksione shkakton. \u00cbsht\u00eb e mundur vet\u00ebm n\u00ebse BDI-ja pranon p\u00ebr hir\u00eb t\u00eb nj\u00eb procesi q\u00eb do t\u00eb jet\u00eb afatshkurt t\u2019ia p\u00ebrmbush edhe \u201cat\u00eb qejf\u201d dhe mos t\u00eb humbet fokusi prej kryesores q\u00eb \u00ebsht\u00eb ndryshimi i kushtetut\u00ebs\u201d, thot\u00eb Musliu.<\/p>\n