VMRO-DPMNE është parti sinonim i krimit dhe korrupsionit dhe lideri i saj mburret gjithandej se i di saktësisht përmendësh të gjithë tenderët në komunat ku udhëheq VMRO-DPMNE, thuhet në kumtesën e BDI-së.
Mickoski dhe bashkëpunëtorët e tij vunë dorën në mjaltë kur erdhën për herë të parë në pushtet, duke dëshmuar se asgjë tjetër nuk mund të pritet prej tyre.
VMRO-DPMNE është parti pa ideologji dhe pozitë, me lidhje që arrijnë deri në Kremlin dhe interesi i vetëm i saj është dëshira e zhveshur për pushtet dhe fitim.
Mickovski vazhdon të konfrontohet me BDI-në me dëshirë që do të perceptohet si politikan i ligës së parë. E ka të kotë”, thonë nga BDI.
Siç potencojnë nga BDI , kjo parti qëndron qartë në qëndrimet e veta dhe mbështet institucionet hetimore që të kryejnë punën e tyre pas çdo rasti apo dyshimi për parregullsi.
