Fantazisti brazilian, Dudu i cili luan si mesfushor sulmues për të cilin dje dje në mënyrë ekskluzive raportoi portali, indeks.mk sot është prezantuar në Çair.
Këtë informacion e ka zyrtarizuar sot klubi nga Çairi duke zyrtarizuar ardhjen e brazilianit dhe duke cilësuar atë si një futbollist që do ti ndihmojë shumë skuadrës në repartin ofensiv.
Njoftimi i Shkupit:
Një fantazist brazilianë do të udhëheqë mesfushën dhe sulmin e ekipit tonë. Fjala është për 24 vjeçarin e lindur në qytetin e Rio de Janeiro, Dudu Sampaio, i cili karrierën e kishte nisur te një nga skuadrat më të famshme të Amerikës Latine, Vasko da Gama. Karriera e tij vazhdoi edhe për disa vite në Brazil, duke luajtur për ekipet si Paraná Clube, Figueirense dhe Clube de Regatas, që më pas të nisë edhe rrugëtimin në Evropë, duke u angazhuar në kampionatin rumun, te ekipi i FC Buzau.
“Dua të falënderoj stafin për mundësinë që të vijë në këtë klub. Jam mjaft i motivuar, kam ardhur këtu që të jap më të mirën që të ndihmoj ekipin dhe të arrijmë qëllimet tona për këtë sezon”, ka thënë braziliani 24 vjeçar.
Sampaio tani më është bashkuar me ekipin në stërvitje dhe do të jetë një shtyllë e fortë e sulmit. Dudu dhe Shkupi kanë arritur marrëveshje duke nënshkruar kontratë për dy vite.
