Policia e Maqedonisë së Veriut ka njoftuar mbrëmë vonë se ka ndaluar rreth njëzet tifozë të ekipit bullgar të Levski, të cilët kanë kryer incidente para, gjatë dhe pas ndeshjes kundër Shkupit në ndeshjen e Konferencës së Ligës.
Pas takimit, grupi i tifozëve nga Bullgaria nuk pranoi të largohej derisa të mblodhi paratë e mjaftueshme për të paguar gjobat për shokët e “zënë rob”, të cilët u ndaluan nga policia për prishje të rendit dhe qetësisë publike.
Videoja e publikuar në mediat bullgare tregon se si grumbullojnë gjithçka që kanë në xhepa, denarë, leva apo euro, për të arritur shumën e dëshiruar.
MPB bëri të ditur se janë ndaluar edhe dy tifozë të Shkupit, të cilët dyshohet se kanë marrë pjesë në sulmin me thikë ndaj një tifozi bullgar, i cili më pas ka përfunduar në spital.
https://www.vbox7.com/play:0607eb6942
