Kordinatori i grupit parlamentar të Bashkimit Demokratik për Integrim Blerim Bexheti ka reaguar sot pasi që Gjykata Kushtetuese shfuqizoi instrumentin për punësime etnike në përputhje me parimin e përfaqësimit të drejtë dhe adekuat të quajtur “Balancues”.
“Sot ditë e rëndë për shqiptarët dhe gjith komunitetet tjera në RMV, pasi që drejtësia në vend u godit rëndë nga vendimi i Gjykatës Kushtetuese me shfuqizimin e “balanserit” si mjet që mundësonte përfaqësimin e drejtë dhe adekuat për shqiptarët në vend.
Prej sot e tutje shqiptarët do të ndjehen si qytetarë të pa përfaqësuar, falë politikave të vasalëve që kemi në qeveri “ВРЕДИ” duke i’u bindur urdhërave të padronit të tyre për të i nënçmuar shqiptarët.
Turpi ka EMËR – ВРЕДИ” shkruan Bexheti.
